како да се привлече секоја жена

Многу мажи понекогаш би сакале да постои таен рецепт за освојување жени (за да не мораат премногу да се трудат). Магичен рецепт не постои, но постојат некои работи на кои паѓаат сите жени. Оргиналност, стабилност, доза на мистериозност и непредвидливост се некои од нив.

Човек со манири
Да се однесуваш како кавалер е можен начин за освојување жени. Отворете и ја вратата, придржете ја за рака додека излегува од автомобилот, подместете и ја столицата и ќе и дадете до знаење дека е во добри раце. Жените сакаат да видат дека се грижите за нив, дека се однесувате заштитнички и дека кавалерството не е изумрено.

Кул и неодолив
Не бидете тип кој прави живчани работи, кој пцуе како кочијаш кога ќе му се запали црвено, кој нервозно пали цигара или агресивно реагира на најмал проблем. Бидете сталожени и смирени и сигурно нема да ја избркате, хехе.

Непредвидлив и неодолив
Најголемата грешка во секоја врска е препуштање на рутината и предвидливоста. На жените сигурно нема да им бидете интересни доколку знаат што точно ќе правите кога ќе се видите, каде ќе ја изнесете и кога ќе и се јавите. Изненадете ја со некој излет, отидете во природа, однесете ја на врвот на највисоката зграда... бидете забавни и ќе стане зависна од вас.

Мистериозни и привлечни
Многу мажи кога ќе се заљубат се склони кон тоа на својата партнерка веднаш да и раскажат се за себе. Бидете помалку таинствени и не се откривајте премногу. Посебно, не се фалете премногу со деловните успеси. Жените се повеќе импресионирани кога од други дознаваат за вашите достигнувања, отколку кога вие самите се фалите.

Човек кој има свој живот
Сите мажи кои имаат успех кај жените имаат една заедничка карактеристика. Имено, сите имаат интересен живот и не им требаат жени за да бидат среќни. Жените ги сметаат ваквите типови за исклучително привлечни. Околу нив мораат повеќе да се потрудат за да ги уверат дека токму тие се вистинскиот избор за нив. Затоа, никогаш пред жена не кукајте "досадно ми е, ништо интересно не ми се случува..."